جشن آزادی پر ریلیز ہونے والی فلم ’’ویلکم ٹو پنجاب‘‘ کا مقامی سنیما میں رنگا رنگ پریمیئر شو

لاہور: جشن آزادی پر ریلیز ہونے والی فلم ویلکم ٹو پنجاب کا پریمیئر شو مقامی سینما میں منعقد کیا گیا ،جس میں فلم کی کاسٹ سمیت فلم انڈسٹری کی نامور شخصیات نے شرکت کی۔

شومیں فلم کے ہیرو عادی خان ، ہیروئین زارا حیات، افتخار ٹھاکر ،قیصر پیا،خاور خان،شاہزیب مرزا،اچھی خان، ممتاز بیگم ، سینئر ڈائریکٹر سید نور ،صفدر ملک،پرویز کلیم،مسعود بٹ، فلم اسٹار میرا ، لیلیٰ ،سہیل ملک، التمش بٹ،شاہد رانا،جاوید رضا،ذیڈاے  زلفی،فریحہ جبیں،سوہانا راجپوت،طلعت شاہ، صدف راجپوت،ممتاز شبیر،فاروق بٹ  اور دیگرشریک ہوئے۔

اس موقع پر میڈیا سے گفتگو کرتے ہوئے فلم ڈائریکٹر سید نور نے کہا کہ شہزاد رفیق اور صفدر ملک نے بہت اچھی فلم بنائی ہے ۔ میں ان کو مبارکباد دینا ہوں۔  

فلم کے ڈائریکٹر شہزاد رفیق نے کہا کہ فلم کہانی خود لکھی ہے۔جس میں بین الصوبائی ہم آہنگی دیکھائی ہے۔ میرے پروڈیوسر صفدر ملک نے مجھ پر اعتماد کیا اور فلم کی تمام کاسٹ کا شکریہ ۔فلم بنا دی اب یہ فلم بینوں پر ہے کہ وہ سینما گھروں میں جا کر فلم کو دیکھیں۔ یہ میڈ ان پاکستان فلم ہے۔ 

پروڈیوسر صفدر ملک نے کہا کہ شہزاد رفیق نے اچھی فلم بنائی ہے۔ فلم کی تمام کاسٹ  جاوید شیخ ،بشریٰ انصاری ،ساجد حسن ، فردوس جمال، یاسر نواز ،عدنان صدیقی ،گوشی خان کس کس کا نام لوں سب نے بڑی محنت کی ہے۔ ممتاز بیگم نے کہا کہ ویلکم ٹو پنجاب ایک اچھی اور معیاری فلم ہے۔