کراچی میں صبح سے اب تک ہونے والی بارش کے اعداد و شمار جاری، مختلف علاقوں میں پانی جمع

شہر میں صبح سے اب تک ہونے والی بارش کے اعداد و شمار سامنے آ گئے ہیں۔

محکمہ موسمیات کے مطابق، کراچی ایئرپورٹ پر سب سے زیادہ 125 ملی میٹر بارش ریکارڈ ہوئی، جبکہ گلستان جوہر میں 122 ملی میٹر بارش ہوئی۔

ناظم آباد میں 76.9 ملی میٹر، گلشن حدید میں 75 ملی میٹر اور یونیورسٹی روڈ پر 59 ملی میٹر بارش ریکارڈ کی گئی۔

محکمہ موسمیات کے مطابق کیماڑی میں 30 ملی میٹر اور سعدی ٹاؤن میں 24 ملی میٹر بارش ریکارڈ ہوئی۔

اعداد و شمار کے مطابق، شارع فیصل پر 17 ملی میٹر اور گلشن معمار میں 11 ملی میٹر بارش ہوئی۔

محکمہ موسمیات نے مزید بتایا کہ ایئرپورٹ پر 13 ملی میٹر، کورنگی میں 14.6 ملی میٹر اور اورنگی میں 12.2 ملی میٹر بارش ریکارڈ کی گئی۔

یاد رہے کہ کراچی میں منگل کی صبح سے وقفے وقفے سے موسلا دھار بارش کا سلسلہ جاری ہے جس کی وجہ سے نشیبی علاقے زیر آب آ گئے ہیں اور پانی گھروں میں داخل ہوگیا ہے۔

قائد آباد، لانڈھی، ملیر اور دیگر علاقوں میں بھی پانی گھروں میں داخل ہوچکا ہے، جبکہ شاہراہ فیصل، آئی آئی چندریگر روڈ، ایم آر کیانی روڈ سمیت شہر کی بیشتر شاہراہیں تالاب کا منظر پیش کر رہی ہیں۔