پنجاب بھر میں فائزر ویکسین کا اسٹاک ختم

ذرائع محکمہ صحت پنجاب کا کہنا ہے کہ 15 جولائی تک پنجاب کے 4 اضلاع میں فائزر ویکسین کی پہلی ڈوز لگتی رہی، مگر 3 روز گزر گئے فائزر ویکسین کی نئی کھیپ محکمہ صحت کو نہیں مل سکی۔

محکمہ صحت پنجاب نے کہا کہ فائزر ویکسین کی دوسری ڈوز 21 دن بعد لگنا تھی جن افراد کو فائزر ویکسین کی دوسری خوراک لگنا ہے، وہ ویکسینیشن مراکز کے چکر لگا لگا کر تھک گئےہیں۔

دوسری جانب فائزر ویکسین کے لیے آئےشہریوں کا کہنا ہے کہ ان کے ویزے کی مدت ختم ہو رہی ہے، نہ جانے کب فائزر ویکسین آئے اور کب انہیں لگ سکے۔