ایشیا ڈیولپمنٹ بینک کی پاکستان کے سیلاب متاثرین کے لیے 3 ملین ڈالر کی ہنگامی امداد

ایشیا ڈیولپمنٹ بینک (اے ڈی بی) نے پاکستان میں سیلاب سے متاثرہ خاندانوں کی مدد کے لیے 30 لاکھ ڈالرز کی ہنگامی امداد فراہم کرنے کا اعلان کیا ہے۔

بینک کے صدر نے فلڈ ریلیف کے لیے 3 ملین ڈالرز کی ایمرجنسی گرانٹ کی منظوری دی ہے، جس کا اعلان ایک جاری کردہ اعلامیے میں کیا گیا ہے۔ اے ڈی بی کے صدر نے لاہور میں دریائے راوی کا دورہ بھی کیا اور متاثرہ علاقوں کا جائزہ لیا۔

اعلامیے میں کہا گیا ہے کہ بینک پاکستان میں حالیہ مون سون بارشوں اور سیلاب کی وجہ سے ہونے والے جانی و مالی نقصان پر گہری ہمدردی رکھتا ہے اور متاثرین کی مدد کے لیے بھرپور تعاون جاری رکھے گا۔