خیبر پختونخوا کے متعدد علاقے ویکسی نیشن سے محروم ،پولیو کیسز سامنے آ گئے

اسلام آباد: خیبر پختونخوا کے ضلع ٹانک میں پولیو کا ایک اور کیس رپورٹ ہوا ہے۔ 
نیشنل انسٹی ٹیوٹ آف ہیلتھ ( این آئی ایچ ) کے مطابق تحصیل جنڈولہ کی 20 ماہ کہ بچی میں پولیو وائرس کی تصدیق کی گئی ہے۔ 

این آئی ایچ کا کہنا ہے کہ متاثرہ علاقہ سکیورٹی خدشات کے باعث پولیو ویکسی نیشن مہم سے محروم رہا جس کے نتیجے میں وہاں بچوں کو حفاظتی قطرے نہیں پلائے جا سکے۔ 

اعدادو شمار کے مطابق روا ں سال صرف ضلع ٹانک ، جنوبی خیبر پختونخوا سے پولیو کے 14 کیسز سامنے آ چکے ہیں۔ 
این آئی ایچ کے مطابق ملک بھر میں 2025 کے دوران پولیو کیسز کی مجموعی تعداد 24 تک پہنچ گئی ہے۔ 

رپورٹ کے مطابق سب سے زیادہ کیسز خیبر پختونخوا سے رپورٹ ہوئے ہیں جن کی تعداد 16 ہےجبکہ سندھ سے 6 اور پنجاب و گلگت بلتستان سے ایک ایک کیس سامنے آچکاہے۔