پاکستان کے مایہ ناز فاسٹ باؤلر نے ریٹائرمنٹ کا اعلان کر دیا

ویب ڈیسک: پاکستان کے مایہ ناز لیفٹ آرم فاسٹ باؤلر عثمان خان شنواری نے عالمی کرکٹ سے ریٹائرمنٹ کا اعلان کر دیا۔

تفصیلات کے مطابق پاکستان کرکٹ بورڈ (پی سی بی) کی جانب سےجاری  ایک پریس ریلیز میں فاسٹ باؤلر کی ریٹائرمنٹ سے متعلق اعلان کیا گیا۔

فاسٹ باؤلر عثمان خان شنواری نے دسمبر 2013 سے دسمبر 2019 تک واحد ٹیسٹ، 17 ون ڈے اور 16 ٹی ٹوئنٹی میں پاکستان کی نمائندگی کی۔

 انہوں نے ون ڈے میں 34 اور ٹی ٹوئنٹی میں 13 وکٹیں حاصل کیں۔ ان کی بہترین باؤلنگ پرفارمنس سری لنکا کے خلاف رہی جس میں انہوں نے ون ڈے فارمیٹ میں پانچ وکٹیں لی تھیں۔

علاوہ ازاں عثمان نے پاکستان سپر لیگ (پی ایس ایل) کے مختلف ایڈیشنز میں 3 مختلف ٹیموں کی نمائندگی کی، اس دوران انہوں نے 39 میچوں میں 42 وکٹیں حاصل کیں۔