البانیہ میں دنیا کی پہلی مصنوعی ذہانت پر مبنی وزیر کا پارلیمنٹ سے تاریخی خطاب

دنیا کی تاریخ میں پہلی بار ایک مصنوعی ذہانت (Artificial Intelligence) پر مبنی وزیر نے کسی ملک کی پارلیمنٹ میں خطاب کیا، جو ٹیکنالوجی اور سیاست کے امتزاج کا ایک انوکھا سنگِ میل ثابت ہوا۔

یہ تاریخی واقعہ گزشتہ روز البانیہ کی پارلیمنٹ میں پیش آیا، جہاں دنیا کی پہلی AI وزیر نے رسمی خطاب کیا۔ یہ اقدام البانیہ کے لیے ایک منفرد اعزاز کی حیثیت رکھتا ہے۔

البانوی ثقافتی لباس میں ملبوس اس خاتون AI وزیر کا نام ڈیلا رکھا گیا ہے، جو البانوی زبان میں "سورج" کے معنی رکھتا ہے۔

خطاب کے دوران ڈیلا نے کہا "میرا مقصد انسانوں کی جگہ لینا نہیں، بلکہ ان کی مدد اور رہنمائی کرنا ہے۔"
انہوں نے مزید کہا کہ "آئین کو اصل خطرہ مشینوں سے نہیں، بلکہ اُن غیر انسانی فیصلوں سے ہے جو اکثر اقتدار میں بیٹھے افراد کرتے ہیں۔"

البانوی وزیرِ اعظم ایڈی راما نے گزشتہ ہفتے دنیا کی پہلی AI-generated حکومتی وزیر کی تقرری کا اعلان کیا تھا، جس کا مقصد مصنوعی ذہانت کو پالیسی سازی اور حکومتی نظم و نسق میں مؤثر انداز سے شامل کرنا ہے۔

یہ اقدام نہ صرف ٹیکنالوجی کے میدان میں ایک انقلابی قدم ہے بلکہ یہ مستقبل میں حکومتوں کے کام کرنے کے طریقے کو بھی تبدیل کر سکتا ہے۔