سونا مسلسل دوسرے روزہزاروں روپے سستا،فی تولہ کتنے کا ہو گیا؟

کراچی :عالمی اورمقامی مارکیٹ میں سونے کی قیمت میں مسلسل دوسرے روز بڑی کمی ریکارڈ کی گئی۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز مقامی مارکیٹوں میں فی تولہ سونے کی قیمت میں 1000 روپے کی کمی ہوئی ہے جس کے بعد سونے کی نئی قیمت  3 لاکھ 95 ہزار 800 روپے کی سطح پرآ گئی ہے۔

اسی طرح دس گرام سونا 858 روپے کم ہوکر 3 لاکھ 39 ہزار 334 روپے کا ہوگیا ہے۔ 

دوسری جانب عالمی بلین مارکیٹ میں سونے کی قیمت میں 10 ڈالر کی کمی ہوئی جس کے بعد سونے کی نئی قیمت 3740 ڈالر فی اونس کی سطح پر آگئی ہے۔

خیال رہے کہ گزشتہ روز مقامی مارکیٹوں میں سونا 2000 روپے فی تولہ سستا ہوا تھا۔