ادارہ رحیمیہ علوم قرآنیہ میں پندرہ سو سالہ ولادت باسعادت رسول اللہ ﷺکے موضوع پر کانفرنس کا انعقاد
سیرت نبوی انسانوں کی آزادی کی نگہبان اور مشعل راہ ہے، ریاست مدینہ کی تشکیل سے نبی اکرم ﷺنے انسانی اجتماعیت کو تحفظ دینے کا دستور بنایا،مفتی عبد الخالق


لاہور: ادارہ رحیمیہ علوم قرآنیہ کے قیام کی 25 سالہ تقریب پر پندرہ سو سالہ ولادت باسعادت رسول اللہ صلی اللہ علیہ وسلم کے موضوع پر کانفرنس کا انعقاد، مفتی عبد الخالق آزاد رائپوری نے خطاب میں کہا کہ شریعت انسانیت امن، خوشحالی اور ترقی کیلئے کردار ادا کرتی ہے۔
تفصیلات کے مطابق ادارہ رحیمیہ علوم قرآنیہ کے قیام کی 25 سالہ تقریبات میں ڈائریکٹر جنرل ادارہ رحیمیہ مفتی عبد الخالق آزاد رائپوری، صدر مفتی مختار حسن، ڈاکٹر راو عبد الرحمن، عرفان یونس بٹ سمیت مختلف شعبہ ہائے زندگی سے وابستہ افراد کی بڑی تعداد نے شرکت کی۔
کانفرنس سے خطاب کرتے ہوئے مفتی عبد الخالق آزاد رائپوری نے کہا کہ سیرت نبوی انسانوں کی آزادی کی نگہبان اور مشعل راہ ہے۔ ریاست مدینہ کی تشکیل سے نبی اکرم صلی اللہ علیہ وسلم نے انسانی اجتماعیت کو تحفظ دینے کا دستور بنایا۔
انھوں نے کہا کہ خلفائے راشدین کے زمانے میں ہی موجودہ پاکستانی جغرافیائی حدود میں دین اسلام کی شمع روشن ہو چکی تھی اس خطے نے دین اسلام کو اپنا قومی دین بنایا،ان کا کہنا تھا کہ ادارہ رحیمیہ دین اسلام کا قرآنی شعور نوجوان نسل میں پھیلا رہا ہے اس خطے کے اولیاء اللہ، محدثین نے انسانی ترقی کیلئے اہم کردار ادا کیا۔ دین اسلام کی اساس پر قائم حکومت کمزور انسانوں کو تحفظ فراہم کرتی ہے۔
مفتی عبد الخالق آزاد نے مزید کہا کہ دین اسلام پر قائم معاشرے میں رواداری اور انسانی حقوق کا تحفظ ہوتا ہے، انگریزوں نے اس خطے پر تسلط کے بعد یہاں کی بنیادی سیاسی، معاشی اور سماجی اقدار تبدیل کر دی، شریعت کے برعکس رومن لاء پر مبنی عدالتی نظام، قانونی نظام تشکیل دے کر انگریزوں نے انسانی حقوق ثبوتاژ کیے گئے۔
ان کا مزید کہنا تھا کہ حضور صلی اللہ علیہ وسلم نے سماج کو قانون اور ڈسپلن کا پابند بنایا تاکہ بنیادی اخلاق کا عملی نظام قائم ہو۔آپ صلی اللہ علیہ وسلم نے انہیں تربیت یافتہ سیاسی طاقت میں بدل دیا کہ وہ ابو جہل کے نظام کے خلاف متحد اور یکسو ہو گئے۔ نبی اکرم صلی اللہ علیہ وسلم کی سیرت کے ذریعے سے عرب پوری دنیا میں ممتاز ہو گئے۔
کانفرنس سے خطاب کرتے ہوئے مفتی مختار حسن کا کہنا تھا کہ آج ہمیں سوچنا ہے کہ ہماری اقدار کس بنیاد پر قائم ہوں گی مغرب کا نظام اور معاشرت مسلط ہوگی یا ہماری ویلیوز دین اسلام کی انسان دوستی پر مبنی اقدار پر قائم ہوں گی۔
ان کا مزید کہنا تھا کہ آج ہمارا نوجوان اپنی تاریخ سے نابلد ہے۔ اگر ہم نے آج قوم بننا ہے تو اپنی قومیت کو محفوظ کرنا ہے۔کسی بین الاقوامیت کے پروپیگنڈہ کا شکار نہ ہوں۔قومیت اپنی زبان اپنی زمین اور اپنی ویلیوز سے پیدا ہوتی ہیں۔اپنی دھرتی کو پہچانو اس کو سمجھو اور نو آبادیاتی بیانیے اور جھوٹی تاریخ کے پروپیگنڈہ سے بچو۔
پہلے ایل پی جی اوراب بجلی بم گرا دیا گیا
- 10 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 دن قبل

پیٹرول اور ڈیزل کی قیمتوں میں کمی کا اعلان
- 12 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 10 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 دن قبل






