برطانوی وزیراعظم کا اعلان ، مسلم کمیونٹی کے تحفظ کے لیے 10 ملین پاؤنڈ فنڈ

برطانوی وزیراعظم سر کیئر اسٹارمر نے مسلم کمیونٹی اور مساجد کو نفرت انگیز حملوں سے محفوظ رکھنے کے لیے 10 ملین پاؤنڈ کی اضافی فنڈنگ کا اعلان کردیا۔

وزیراعظم سر کیئر اسٹارمر نے وزیرِ داخلہ شبانہ محمود کے ہمراہ مشرقی سسیکس کی ایک مسجد کا دورہ کیا، جہاں رواں ماہ کے آغاز پر ایک گاڑی کو مسجد کے دروازے کے قریب آگ لگانے کا واقعہ پیش آیا تھا۔

وزیراعظم نے کہا کہ برطانیہ کو اپنی رواداری اور ہم آہنگی پر فخر ہے، اور کسی بھی کمیونٹی پر حملہ دراصل پوری قوم اور برطانوی اقدار پر حملہ سمجھا جاتا ہے۔

ان کا کہنا تھا کہ اس فنڈنگ کے ذریعے مسلم کمیونٹی کو زیادہ تحفظ اور اعتماد حاصل ہوگا۔

دوسری جانب وزیرِ داخلہ شبانہ محمود نے مسجد پر حملے کو انتہائی خوفناک جرم قرار دیتے ہوئے کہا کہ اس کے نتائج تباہ کن ہوسکتے تھے۔