برطانوی پاکستانی ماہرِ تعلیم سید زین عباس کا عالمی اعزاز، تعلیمی خدمات پر ڈاکٹریٹ کی ڈگری

لندن: برطانیہ میں مقیم پاکستانی ماہرِ تعلیم اور منی بیز نرسری گروپ کے بانی سید زین عباس کو بچوں کی ابتدائی تعلیم کے شعبے میں انقلابی خدمات کے اعتراف میں امریکہ کی ایک معروف یونیورسٹی نے اعزازی ڈاکٹریٹ کی ڈگری سے نواز دیا ہے۔
یہ باوقار اعزاز دبئی میں منعقدہ ایک تقریب میں قیصر یونیورسٹی کے صدر ڈاکٹر میتھیو اینڈرسن کی طرف سے پیش کیا گیا، جس کا اعلان پیرس میں یونیسکو کے ہیڈکوارٹر میں کیا گیا تھا۔

سید زین عباس کو یہ اعزاز جدید ٹیکنالوجی کو تعلیم میں ضم کرکے بچوں کی ابتدائی تربیت کے لیے نئے اور مؤثر طریقے متعارف کرانے پر دیا گیا ہے۔
ان کی قیادت میں "منی بیز نرسری گروپ" نے برطانیہ میں ہزاروں بچوں کو جدید اور تخلیقی طریقوں سے تعلیم فراہم کی ہے، جس سے ان کی فکری اور جذباتی نشوونما میں غیر معمولی مدد ملی ہے۔

اس موقع پر اعزاز وصول کرتے ہوئے سید زین عباس نے اسے اپنے والدین کے نام وقف کیا اور کہا کہ ان کا مشن ہر بچے کو زندگی کا بہترین آغاز فراہم کرنا ہے۔

انہوں نے مزید کہا کہ والدین کی بھرپور پذیرائی کے بعد اب وہ اپنے تعلیمی نیٹ ورک کو پورے برطانیہ میں پھیلا رہے ہیں۔ سید زین عباس کی یہ کامیابی عالمی سطح پر پاکستان کا نام روشن کر رہے ہیں۔