وزیراعلیٰ عثمان بزدارکا سی ٹی ڈی کیلئے نئی پوسٹوں پر بھرتی کا اعلان

تفصیلات کے مطابق  وزیراعلیٰ پنجاب سردار عثمان بزدارکا کاؤنٹر ٹیرارزم ڈیپارٹمنٹ کے ہیڈ کوارٹر  کا دورہ کیا، وزیراعلیٰ عثمان بزدار نے سی ٹی ڈی کے مختلف شعبوں کا معائنہ کیا۔وزیراعلیٰ عثمان بزدار نے کاؤنٹر وائلنٹ ایکسٹریمزم(CVE)بلاک اور  سی ٹی ڈی ٹریننگ سکول بلاک کا افتتاح کیا۔وزیراعلیٰ عثمان بزدار نے دونوں بلاکس کا وزٹ اور مختلف حصے دیکھے۔

وزیراعلیٰ عثمان بزدار نے سی ٹی ڈی ہیلپ لائن080011111 کا بھی افتتاح کیا، وزیراعلی عثمان بزدار نے سی ٹی ڈی فورس کی پیشہ ورانہ مہارت اورصلاحیتوں کا مظاہرہ دیکھا۔وزیراعلیٰ عثمان بزدار نے سی ٹی ڈی کی جدید انداز میں مہارت اورصلاحیتوں کو سراہا، وزیراعلی کو سی ٹی ڈی کے چاک و چوبند دستے نے سلامی پیش کی ۔

وزیراعلی عثمان بزدار نے سی ٹی ڈی کے کمانڈوز کی جانب سے دہشت گردوں کے خلاف  آپریشن کا مظاہرہ دیکھا ، وزیراعلی نے سی ٹی ڈی کے کمانڈوز کی پیشہ وارانہ صلاحیتوں کو سراہا ، وزیراعلی نے فائرنگ رینج میں سی ٹی ڈی کے کمانڈوز کی فائرنگ کا مظاہرہ بھی دیکھا، وزیراعلی عثمان بزدار نے خود بھی پسٹل سے فائرنگ پریکٹس کی۔

انسپکٹر جنرل پولیس پنجاب انعام غنی اور پرنسپل سیکرٹری وزیراعلی پنجاب طاہر خورشید  نے بھی فائرنگ پریکٹس کی

وزیراعلی نے فائرنگ رینج میں سٹیٹ آف آرٹ سہولتوں کی تعریف کی ۔وزیراعلیٰ عثمان بزدار نے ہائی پروفائل کیسز حل کرنے اورملزمان کو گرفتار کرنے پر سی ٹی ڈی کے افسروں میں نقد انعامات اور تعریفی سرٹیفیکٹس   تقسیم کیے۔

وزیراعلی عثمان بزدار نے  سی ٹی ڈی فورس کےلیے 2 ماہ کی تنحواہ بطور  اعزازیہ دینے کا اعلان بھی کیا۔وزیر اعلی پنجاب نے کہا کہ سی ٹی ڈی نے صوبہ بھر میں دہشتگردی کی روک تھام کیلئے ناقابل فراموش خدمات سر انجام دی ہیں۔ سی ٹی ڈی نے لاہور میں دہشتگردی کے نیٹ ورک کو بے نقاب کیااورملزمان کو قانون کی گرفت میں لایاگیا۔

وزیراعلیٰ عثمان بزدارنے  سی ٹی ڈی  کیلئے نئی پوسٹوں پر بھرتی  کا اعلان  کردیا، وزیراعلی عثمان بزدارنے  سی ٹی ڈی ہیڈکوارٹر کیلئے 54 کنال اراضی فوری طور پر فراہم کرنے اور   مزید 10 اضلاع میں سی ٹی ڈی کے دفاترکی تعمیر کیلئے اراضی دینے کا اعلان بھی کیا۔

وزیر اعلی پنجاب عثمان بزدار کا کہنا تھا کہ  ہیڈ کوارٹر تک رسائی کیلئے سڑکوں کی تعمیرترجیحی بنیادوں پر ہوگی۔ سی ٹی ڈی کوڈرون جی ایس ایم لوکیٹر،سنائپر رائفلز اور دیگر آلات فراہم کیے جائیں گے۔ سی ٹی ڈی کیلئے بم ڈسپوزل یونٹ کا قیام عمل میں لائیں گے۔ سی ٹی ڈی کی دیگر ضروریات کو بھی پورا کیا جائے گا۔ سی ٹی ڈی کو اگر خاموش مجاہد قرار دیا جائے تو بے جا نہ ہوگا۔ اس ادارے کے افسروں اور اہلکاروں نے امن وامان کے قیام اور دہشت گردی کے خاتمے کے لئے شاندار کارکردگی کا مظاہرہ کیا ہے۔ عوام کے جان و مال کے تحفظ کیلئے انسداد دہشت گردی فورس کے تربیت یافتہ جوان قومی جذبے سے کام کررہے ہیں۔