لاہور پولیس کا ایک بار پھر بدمعاشوں اور غنڈا عناصر کےخلاف کریک ڈاؤن

تفصیلات کے مطابق لاہور کے بدمعاشوں کی تھانوں میں حاضریوں کا آغاز ہو گیا۔دہشت کی علامت سمجھے جانے والے بدمعاش تھانوں میں حاضریاں لگوانے پہنچ گئے۔لاہور پولیس کا ایک بار پھر بدمعاشوں اور غنڈا عناصر کےخلاف کریک ڈاؤن جاری ہے۔

سی سی پی او لاہورایڈیشنل آئی جی غلام محمود ڈوگر کے حکم پر بدمعاشوں کی تھانوں میں حاضریاں لگوانے کا سلسلہ شروع ہو گیا ہے۔اسی تسلسل میں شیر علی عرف بورے خان نے تھانہ مصری شاہ میں حاضری رجسٹر پر انگھوٹھا لگایا۔ظاہر خان نے تھانہ راوی روڈ جبکہ خاور ڈوگر نے تھانہ ملت پارک میں حاضری رجسٹر پر انگھوٹھا لگایا۔

سی سی پی او لاہور نے تمام تھانوں کے ایس ایچ اوز کو رواں ہفتے بدمعاشوں کی حاضریاں مکمل کرنے کا حکم دیا ہے۔سی سی پی او آفس سے بدمعاشوں کی تھانوں میں حاضریوں کو مانیٹر بھی کیا جائے گا۔سی سی پی او لاہور نے خبردار کیا کہ جو ایس ایچ اوز بدمعاشوں کی حاضریاں نہیں لگوائیں گے،  ان کےخلاف محکمانہ کارروائی ہوگی۔بدمعاشوں اور کلاشنکوف کلچر کے خاتمے سے شہریوں نے سکھ کا سانس لیاہے۔