کراچی میں ایک اور معصوم بچی کو درندگی کا نشانہ بنادیا گیا

تفصیلات کے مطابق کراچی میں ایک اور معصوم بچی کو درندگی کا نشانہ بنادیا گیا۔ کورنگی ساڑھے 5 نمبر میں  لوڈشیڈنگ کے دوران 6 سالہ ماہم گلی میں بچوں کے ساتھ کھیلنے گئی تھی ، ایک گھنٹے بعد بجلی تو آگئی مگر ماہم نہ آئی اور صبح کچرا کنڈیسے بچی کی لاش مل گئی۔

پوسٹمارٹم میں معصوم بچی سے زیادتی کی تصدیق ہوئی ہے۔ ڈاکٹرزکے مطابق  ماہم کو ناک اور منہ بند کرکے قتل کیا گیا،  اس کی گردن کی ہڈی بھی توڑی گئی تھی۔ بچی کے جسم سے ڈی ایناے سیمپل حاصل کرلیے ہیں۔ رپورٹ آنے کے بعد واضح ہوگا کہ کتنے افراد نے زیادتی کی۔

دوسری جانب پولیس نے آپریشن کرتے ہوئے 12 افراد کو حراست میں لے لیا۔ ایس پی لانڈھی کے مطابق   ایک بنداسکول، کریم اسپورٹس کمپلکس اور اس سے متصل کمروں کی مکمل تلاش لی گئی ہے۔ وقوعہ سے قریب آبادی کے مکینوں کی پروفائلنگ بھی کی گئی ہے۔