اہلیہ کو پہلی بارایک شاپ میں شاپنگ کرتے دیکھا : سلیم شیخ

تفصیلات کے مطابق ایک نجی ٹی وی چینل کے پروگرام میں گفتگو کرتے ہوئے اداکار نے اپنی بیوی سے پہلی ملاقات کی کہنانی شیئر کی ہے ۔

سلیم شیخ نے کہا کہ ان دنوں میرا مرینہ خان کے ہمراہ ڈرامہ پڑوسی نشر ہورہا تھا ۔

اداکار کا کہنا تھا کہ میری محبت کی کہانی درحقیقت فلمی ہے چونکہ ان دنوں موبائل نہیں تھے لہٰذا میں اگلے دن نوشین کو ڈھونڈتا ایک بار پھر اسی شاپ پر پہنچ گیا کہ کاش فلموں کی طرح ایک جھلک نظر آجائے لیکن ہمارے ساتھ یہ حقیقت میں ہوا اور ہم اتفاقی طور پر 3 سے 4 مرتبہ ایسے ہی ملے۔

سلیم شیخ کا کہنا تھاکہ میری بیوی کو معلوم ہوگیا تھا میں ان کا پیچھا کررہا ہوں تو انہوں نے مجھے کالج کے کسی ایونٹ میں بطور مہمان خصوصی مدعو کرنے کے بہانے پی ٹی وی سے میرا نمبر لیا اور پھر ہماری دوستی ہوگئی۔

اداکار کا مزید کہنا تھا کہ میں نے اپنی بہن کو نوشین کے بارے میں بتایا لیکن ان کی فیملی نے صرف اداکاری کا سن کر میرے رشتے سے انکار کردیا اس کے بعد اداکار بہروز سبزواری نے نوشین کے گھروالوں کو مجبور کیا اور ہمارا رشتہ ہوگیا۔

یاد رہے کہ اداکارسلیم شیخ اور نوشین کی شادی 1999 میں ہوئی تھی اب دونوں کی تین بچے ہیں۔