شادی سے چند دن پہلے اداکاری چھوڑ دی تھی : نورالحسن

تفصیلات کے مطابق اداکار نور الحسن کا کہنا ہے کہ میں نے اپنی شادی سے 15 روزپہلے ہی نوکری چھوڑ دی تھی، 2000 میں اداکاری کا آغاز کیا تھا اور میری شادی 2001 میں ہوئی مجھے لگا کہ شادی، نوکری اور ٹی وی میں سے کوئی دو ہی چیزیں چل سکتی ہیں تو میں نے شادی اور ٹی وی کو ترجیح دی۔

اداکاری میں آنے سے متعلق نورالحسن نے کہا ہے کہ گورنمنٹ کالج میں ایک مرتبہ اتفاقیہ طور  پر اسکٹ کیا تھا، جس پر لوگوں نے کافی اچھا ردعمل دیا، یہاں تک کہ وہاں کے گزٹ میں بھی شائع ہوگیا۔

بعدازاں اصغر ندیم سید صاحب کے ڈھائی گھنٹے کے ڈرامے میں ایک کردار نبھایا اور پھر اداکاری کے سفر کا آغاز ہو گیا۔

اداکار کا مزید کہنا ہے کہ انڈسٹری میں آنے کے لیے والد سے اجازت لینے میں زیادہ مشکلات کا سامنا نہیں کرنا پڑا لیکن میرے ابا کہا کرتے تھے کہ شوبز کی دنیا اصلی نہیں ہے، یہ نقلی ہے اور ان کی بات سے میں بالکل اتفاق کرتا ہوں۔