اینڈرائیڈ اسمارٹ فون کا پرانا ورژن استعمال کرنے والوں کیلئے بُر ی خبر

غیر ملکی خبر رساں ادارے کے مطابق  اینڈرائیڈ اسمارٹ فون کا  پرانا ورژن استعمال کرنے والے اگر 27 ستمبر سے پہلے اینڈرائیڈ کا ورژن اپ ڈیٹ نہیں کریں گے تو  وہ  اپنے فون کے ذریعے جی میل، گوگل میپس، یو ٹیوب اور دیگر گوگل ایپلی کیشن سے لطف اٹھانے سے محروم ہوجائیں گے، تاہم  میسج اور کال کرنے کا سلسلہ جاری رہے گا۔

رپورٹس میں بتایا گیا ہے کہ گوگل  نے یہ  فیصلہ سیکیورٹی صورتحال کو بہتر کرنے کی وجہ سے کیا ہے۔ تاکہ کسی بھی صارف کو پرانے سافٹ ویئر استعمال کرتے ہوئے اپنے گوگل اکاؤنٹ سے ہاتھ نہ دھونا پڑجائے کیونکہ 10 سال پرانے ورژن سے کئی گنا محفوظ نئے سافٹ ویئر ورژن موجود ہیں۔

گوگل نے صارفین کو کہا کہ  وہ اینڈرائیڈ کے تازہ ترین ورژن کو اپنے فون پر ڈاؤن لوڈ کرلیں تاکہ گوگل کی سروسز سے لطف اندوز ہوتے رہیں  ورنہ  27 ستمبر کے بعد انہیں جی میل اور یوٹیوب    و دیگر ایپس پر پاس ورڈ اور لاگ ان کے ایررز نظر آئیں گے۔

واضح رہے کہ اینڈرائیڈ سافٹ ویئر ورژن 3 (ہنی کامب) اور 4 (آئس کریم سینڈوچ) کو 10 سال قبل لانچ کیا گیا تھا  لیکن  یہ سافٹ ویئر اب بھی استعمال کے لائق ہیں ۔