ترسیلاتِ زرمسلسل 8ویں ماہ بھی 2 ارب ڈالر سے زائد

تفصیلات کے مطابق وزیراعظم عمران خان نے سماجی رابطے کی ویب سائٹ  ٹوئٹر پر پیغام میں کہا کہ سمند پار پاکستانیوں کا شکر گزار ہوں، انہوں نے 2 ارب 27 کروڑ ڈالر بھجوائے، جوجنوری 2020 سے19فی صد  زیادہ اور لگاتار آٹھویں ماہ بھی 2ارب ڈالر  سےزائد رہیں۔ گزشتہ سال کے مقابلے رواں مالی سال ترسیلات زر کی شرح 24 فیصد  زیادہ ہے، یہ ملکی تاریخ میں ریکارڈ اضافہ ہے ۔

وزیراعظم عمران خان نے ایک اور ٹویٹ میں بتایا کہ صنعتی شعبے سے بھی خوشخبری ہے کہ اس میں نمو کا رجحان برقرار ہے۔ دسمبر 2019 کے مقابلے میں دسمبر 2020 کےدوران 11.4 فی صد نمو کے ساتھ بڑے پیمانے پر پیداواری شعبے میں ایک مرتبہ پھر ہمیں دو ہندسی نمو میسر آئی۔جولائی سے دسمبر تک کی مجموعی شرح  نمو اب 8فی صدسے تجاوز کرچکی ہے۔

صنعتی شعبے سے بھی خوشخبری ہے کہ اس میں نمو کا رجحان برقرار ہے۔ دسمبر 2019 کے مقابلے میں دسمبر 2020 کےدوران 11.4% نمو کے ساتھ لارج سکیل مینو فیکچرنگ میں ایک مرتبہ پھر ہمیں دو ہندسی نمو میسر آئی۔جولائی سے دسمبر تک کی مجموعی نمو اب 8% سے تجاوز کرچکی ہے۔

— Imran Khan (@ImranKhanPTI) February 15, 2021

دوسری جانب اسٹیٹ بینک آف پاکستان  نے بھی ٹوئٹر پر ایک  رپورٹ میں بتایا   کہ گزشتہ ماہ ترسیلات زر مسلسل آٹھویں مہینے 2 ارب امریکی ڈالرز سے زائد رہیں جو جنوری 2020 کے مقابلے میں 19 فیصد زیادہ ہیں۔ جنوری 2021 میں ترسیلات زر 2.3 ارب ڈالر رہیں، رواں سال جنوری میں ترسیلات سال گزشتہ جنوری 2020 کی نسبت 19 فیصد زیادہ رہیں۔ جنوری میں ترسیلات زر دسمبر میں وصول 2.4 ارب ڈالرز کے مقابلے میں کچھ کم رہیں۔

اس عرصے میں متحدہ عرب امارات سے 3.4 ارب ڈالر کی ترسیلات زر موصول ہوئیں، برطانیہ سے 2.2 ارب اور امریکا سے 1.4 ارب ڈالر کی ترسیلات زر موصول ہوئیں۔ترسیلات زر میں متواتر اضافہ بڑی حد تک بینکاری ذرائع کے بڑھتے استعمال کا عکاس ہے، باضابطہ ذرائع سے رقوم کی آمد کے فروغ میں حکومت اور اسٹیٹ بینک کی کوششیں شامل ہیں۔