ٹیسٹ سیریز: ویسٹ اینڈیز کا پاکستان کیخلاف 17 رکنی اسکواڈ کا اعلان

ویسٹ انڈیز نے پاکستان کیخلاف ٹیسٹ سیریز کیلیے 17 رکنی اسکواڈ کا اعلان کردیا ہے، ویسٹ انڈیز اسکواڈ کی قیادت کریگ بریتھ ویٹ کریں گے ، جرمائن بلیک ووڈ نائب کپتان،نکروما بونر، شرما بروکس، راحکیم کورنوال اسکواڈ میں شامل ہیں ۔روسٹن چز، جوشوا ڈی سلوا، جامر ہمیلٹن، چیمر ہولڈر، جیسن ہولڈر اسکواڈ کا حصہ ہیں ۔

شائے ہوپ، آلزاری جوزف، کیل میرز، کیرن پاول، جیڈن سیزلز اور جومل واریکن  بھی اسکواڈ میں شامل ہیں۔

خیال رہے کہ پاکستان ویسٹ انڈیز کے درمیان پہلا ٹیسٹ میچ 12 اگست کو شیڈول ہے۔

قبل ازیں    پاکستانی  اسکواڈ  جمیکا پہنچ گیا تھا، جہاں قومی اسکواڈ ویسٹ انڈیز کے خلاف سیریز کھیلے گا۔اسکواڈ میں شامل تمام ارکان کی کرونا وائرس ٹیسٹنگ  کی گئی، کرونا وائرس ٹیسٹ کے نتائج منفی آنے پر قومی ٹیسٹ اسکواڈ کو ٹریننگ کی اجازت ہوگی۔ کرونا وائرس ٹیسٹنگ کے نتائج منگل کو موصول ہوں گے۔