کوویکس کے تحت چین سے ویکسین کی پہلی کھیپ پاکستان پہنچ گئی

ذرائع کے مطابق کورونا وائرس کی ویکسین سائنو فارم کی 10 لاکھ خوراکیں پاکستان پہنچی ہیں۔فارم ویکسین کی یہ خوراکیں غیر ملکی پرواز کے ذریعے پاکستان پہنچائی گئی ہے۔  کورونا وائرس کی ویکسین سائنو فارم کی ان 10 لاکھ خوراکوں کو دفترِ خارجہ اور چینی سفارتِ خانے کے حکام نے وصول کیا ہے۔رواں ہفتے چین سے کوویکس کے تحت مجموعی طور پر 60 لاکھ کورونا وائرس کی سائنو فارم ویکسین کی ڈوزز آئیں گی۔

کوویکس سے پاکستان کو سائنوفام ویکسین پہلی بار مل رہی ہے، کوویکس پاکستان کو تاحال61 لاکھ  ویکسین ڈوز فراہم کر چکا ہے،کوویکس سے پاکستان کو 55 لاکھ موڈرنا، 25 لاکھ آسٹرازنیکا ڈوز ملی ہیں، کوویکس پلیٹ فارم سے پاکستان کو 1 لاکھ فائزر ویکسین ڈوز مل چکی ہیں۔

واضح رہےکہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید81فراد چل بسے ۔ ملک میں  اموات کی مجموعی تعداد24ہزار085ہوگئی ہے،جبکہ  متاثرہ افراد کی مجموعی تعداد 10لاکھ80ہزار360ہوگئی ہے ۔