سٹاک ایکسچینج100 انڈیکس 46 ہزار 867 کی سطح پر بند

تفصیلات کے مطابق آج کاروباری ہفتے کے دوسرے روز بھی پاکستان اسٹاک ایکسچینج میں زبردست تیزی کا رجحان رہا اور 100 انڈیکس زیادہ سے زیادہ 46 ہزار884 اور کم سے کم 46 ہزار 375 پوائنٹس کی سطح پر دیکھا گیا تاہم کاروبار کے اختتام پر 100 انڈیکس  492 پوائنٹس اضافے کے ساتھ 46 ہزار 867 کی سطح پر بند ہوا اور100 انڈیکس میں 1.06 فیصد اضافہ ہوا۔

کاروبار کے دوران 22 کروڑ 47 لاکھ 87 ہزار 946 حصص کا لین دین ہوا جن کی مارکیٹ ویلیو17 ارب 74 کروڑ75 لاکھ46ہزار 977 روپے رہی۔

خیال رہے کہ گذشتہ  روز بھی پاکستان سٹاک ایکسچینج  میں زبردست تیزی دیکھی گئی  تھی اور100 انڈیکس میں 46 ہزار کی نفسیاتی حد بحال ہو گئی تھی۔انڈیکس کاروبار کے اختتام پر46 ہزار 375 کی سطح پر بند ہوا تھا۔