حکومت پنجاب اور اپوزیشن کے درمیان کرکٹ کا میدان سجنے کو تیار

تفصیلات کے مطابق ترجمان پنجاب حکومت فیاض چوہان کا پیپلز پارٹی کے پارلیمانی لیڈر سید حسن مرتضی سے رابطہ فیاض الحسن چوہان کا مسلم لیگ ن کی رکن پنجاب اسمبلی حنا پرویز بٹ سے بھی رابطہ حکومت اور اپوزیشن کے درمیان کرکٹ میچ کی تجویز پیش کی۔

فیاض الحسن چوہان کا کہنا ہے کہ ٹیپ بال میچ ستمبر کے وسط میں گورنر ہاؤس یا قذافی اسٹیڈیم میں کروایا جائے گااور انہوں حکومتی ٹیم کو حتمی شکل دے دی ہے ۔

حکومت پنجاب کی ٹیم میں صوبائی وزیر  فیاض الحسن چوہان،صوبائی وزیر حافظ ممتاز احمد،سابق وزیر سمیع اللہ چویدری ، صوبائی وزیر میاں اسلم اقبال،وزیر کھیل تیمور بھٹی،وزیر تعلیم ڈاکٹرمراد راس،ایم پی اے ندیم عباس بارا،صوبائی وزیرعنصر مجید نیازی،ملک عمر فاروق،حنیف پتافی۔ صوبائی حافظ عمار یاسر،سردار حسین بہادردریشک اور راجہ یاسر ہمایوں شامل ہیں۔

فیاض الحسن چوہان نے اپوزیشن کو بھی جلد اپنی کرکٹ ٹیم کو حتمی شکل دینے کی درخواست بھی کردی ہے ۔