ایف ڈی اے نے کورونا ویکسین فائزر کو استعمال کی مکمل منظوری دیدی

غیر ملکی خبر رساں ادارے کے مطابق امریکی فوڈ اینڈ ڈرگ ایڈمنسٹریشن (ایف ڈی اے )  نے فائزر کی تیار کردہ کورونا ویکسین کو استعمال کی  مکمل منظوری دیدی ہے، فائزر ویکسین کی دوخوراکوں کو 16سال اور اس سے زائد عمر کے افراد پر استعمال کی منظوری دی گئی ہے، اب تک فائزر کی کورونا ویکسین کو ماہرین کی جانب سے ہنگامی بنیادوں پر استعمال کی منظوری دی گئی تھی۔

فائرزرویکسین کو  اب کامرنیٹی کے طور پر فروخت کیا جائے گا ،کورونا وائرس  کو روکنے میں 91 فیصد موثر پایا گیا۔ یہ اب بھی امریکیوں کو بلا معاوضہ فراہم  کی جار ہی ہے۔

قائم مقام ایف ڈی اے کمشنر جینٹ ووڈکاک نے کہا کہ عوام "بہت زیادہ اعتماد کر سکتے ہیں" یہ ویکسین  محفوظ، موثر اور مینوفیکچرنگ کے معیار پر پورا اترتی ہے۔