لاہور : نو ویکسین، نو سروس فارمولا آج سے نافذالعمل ،ضلعی انتظامیہ متحر ک

تفصیلات کے مطابق لاہور میں  کورونا کے بڑھتے وار کے پیش نظر ویکسی نیشن  کی ضرورت پر زور دیا جارہا ہے ،صوبائی دارالحکومت   میں پیٹرول پمپس پر کروونا ویکسین کے سرٹیفکیٹ چیک کرنے کا عمل شروع کردیاگیا ہے ۔ تھانہ کی سطح پر بنائی گئی انفورسمنٹ ٹیمیں شہر کے تمام پیٹرول پمپس کو چیک کر رہی ہیں۔  

لاہور انتظامیہ نے شاپنگ مالز میں گاہکوں کا داخلہ بھی ویکسینیشن سے مشروط کردیا ہے، اس ضابطے کی خلاف ورزی پر افراد کو گرفتار کیا جائے گا۔ علاوہ ازیں   ویکسین نہ لگوانے والے شہریوں کو ٹرانسپورٹ میں جگہ نہیں ملے گی۔  ایسے افراد کو ریسٹورنٹ میں کھانا  ، شاپنگ مالز اور ہوٹل میں بُکنگ بھی نہیں ملے گی ۔  31 اگست تک ویکسین لگوانے کی تاریخ  مقر ر کی گئی تھی جس کے بعد پیٹرول پمپس کی انتظامیہ صرف ان افراد کو پیٹرول فراہم کرے گی جن کی ویکسین ہو چکی ہے۔

دوسری جانب لاہور میں  بڑھتے کورونا کیسز اور ضلیعی انتظامیہ کی جانب سے سختی کے بعد ایکسپو سینٹر میں ویکسین لگوانے والوں کا رش بھی دیکھا جارہا ہے اور    آج سے بوسٹر ڈوز کا بھی آغاز  کیا جا رہا ہے۔

واضح رہے کہ این سی او سی کورونا سے بچاؤ اور اسکے پھیلاؤ کو روکنے کے لئے وفاقی حکومت نے ملک میں ویکسی نیشن کے لیے عمر کی حد کم کر کے 17 سال کردی ہے۔این سی او سی کی جانب سے  نئی نظر ثانی شدہ  گائیڈ لائنز بھی جاری کی گئیں  ہیں ۔جس کا اطلاق آج سے ہوگا۔ این سی اوسی کے مطابق 12‎ ‎سے 17 سال کی عمر کے کم قوت مدافعت والے افراد کو فائزرویکسین لگائی جائے گی اورکم قوت مدافعت کےحامل افراد کوبطورثبوت میڈیکل دستاویزات دکھانا ضروری ہوگا۔