نیوزی لینڈ کرکٹ ٹیم کو دورہ پاکستان کے دوران فل پروف سیکیورٹی دینے کا فیصلہ‎ ‎

تفصیلات کے مطابق ہوم ڈیپارٹمنٹ پنجاب، چیف کمشنراسلام باد کی درخواست پرپاک فوج کی تعیناتی کی منظوری دے گی، نیوزی لینڈ کرکٹ ٹیم کے دورہ پاکستان کی سیکیورٹی پرپاک فوج کی تعیناتی کی منظوری وفاقی کابینہ سے لی گئی ہے۔

‎ذرائع‎ کے مطابق راولپنڈی میں آج سے 22 ستمبر تک سیکیورٹی پلان پر عملدرآمد شروع‎ ‎جبکہ لاہور میں 22 ستمبر سے 4 اکتوبر تک کا سیکیورٹی پلان بھی تشکیل دے دیا گیا۔‎

ذرائع کے مطابق پاکستان آرمی کی ایک انفنٹری کمپنی تعینات کرنے کی منظوری دی گی،ایک کمپنی لائٹ کمانڈو بٹالین بھی تعینات کرنے کی منظوری دی گئی جبکہ ‎ایمرجنسی اور فضائی نگرانی کیلیے دو ہیلی کاپٹر بھی سیکیورٹی پرمامور ہوں گے۔ ‎

ذرائع کا کہنا ہے کہ ایک ایس ایس جی  پلاٹون  کی بھی تعیناتی کی منظوری دی گئی،630 ‎ایکسپلوسو اور آرڈیننس ڈسپوزل کی بھی منظوری دی گئی ہیں۔

اسلام آباد میں بھی  آج سے 22 ستمبر تک سیکیورٹی پلان پرعملدرآمد شروع‎ ‎روٹ وینیو اور موٹر کیڈ پر پاک فوج کی معاونت حاصل ہو گی‎ ‎ جبکہ اسلام آباد میں بھی فضائی نگرانی کیلیے دو ہیلی کاپٹر مامور ہوں گے۔