وزیر صحت پنجاب اور چیف سیکرٹری کی زیر صدارت اجلاس

تفصیلات کے مطابق ڈاکٹر یاسمین راشد کا کہنا تھا کہ کورونا پر قابو پانے کیلئے ویکسینیشن اور ایس او پیز پر عمل اشد ضروری ہے، ہسپتالوں میں بیڈز، آکسیجن اوردیگر طبی سہولیات کی کوئی کمی نہیں۔

ان کا کہنا تھا کہ ہسپتالوں میں داخل 87فیصد مریض نان ویکسینیٹڈہیں، 31دسمبر2021سے صوبہ کی تمام آبادی کیلئے یونیورسل ہیلتھ کوریج کا آغاز کیا جا رہا ہے۔

چیف سیکرٹری پنجاب کہنا تھا کہ ویکسینیشن کی اہمیت اور افادیت سے متعلق آگاہی کو بڑھایا جائے،حکومت کیلئے لوگوں کی صحت اور زندگیوں کا تحفظ سب سے اہم ہے،کورونا وباء کی صورتحال کی روزانہ کی بنیاد پر مانیٹرنگ جاری رکھی جائے۔