مغل بادشاہوں کے دور کی عینکیں ، قیمت 59 کروڑ روپے

نیویارک : زمرد اور ہیروں سے بنی 17 ویں صدی کے قدیم گلاسز کے جوڑے کی اگلے ماہ لاکھوں ڈالر میں نیلامی متوقع ہے ۔ 

رپورٹ کے مطابق ان قیمتی عینکوں کا تعلق اصل میں مغلیہ سلطنت کے شاہی خاندانوں سے ہے جو کبھی بر صغیر پاک و ہند پر حکومت کرتے تھے ۔ 

ان جشموں کو خصوصی طور پر بری نظر سے بچنے اور ذہن کو کھولنے میں مدد دینے کے لیے ڈیزائن کیا گیا تھا ۔ ان گلاسز کو اکتوبر میں فروخت کے لیے پیش کیا جائیگا، تاہم اس سے پہلے انہیں نیویارک ، پانگ کانگ اور لندن میں عوام کے سامنے نمائش کے لیے پیش کیا جائیگا۔ 

سوتبی کے مشرق وسطیٰ اور ہندوستان کے چیئرمین ایڈورڈ گبز کا کہنا تھا کہ یہ گلاسز مغل زیورات کی دستکاری کی ایک غیر معمولی مثال ہیں ، ان جیسا ڈیزائن اور نفاست کہیں دیکھنے کو نہیں ملتی ۔ 

ایک عینک کے لینز 200 قیراط کے ہیروں سے تیار کیے گئے ہیں ، اس عینک کوہالو آف لائٹ کا نام دیا گیا ہے ، جبکہ دوسرے عینک کے لینز 300 قیراط کے زمرد سے بنے ہیں اس وارڈ آف ایول کا نام دیا گیا ہے ۔ یہ عینکیں ممکنہ طور پر 59 کروڑ روپے میں فروخت ہونے کا امکان ہے ۔