مائیکرو سافٹ اکاؤنٹ کے لیے پاس ورڈ کی ضرورت نہیں

نیویارک : مائیکروسافٹ نے کہا ہے کہ اس کے تمام صارفین اپنے مائیکروسافٹ اکاؤنٹ کے لیے پاس ورڈ کو ختم کرکے سائن ان ہونے کے لیے دیگر طریقہ کار استعمال کرسکتے ہیں ۔

کمپنی کی جانب سے 2021  کے شروع میں کاروباری اداروں کے لیے یہ سہولت متعارف کروائی گئی تھی مگر اب تمام صارفین کے لیے ایسا کیا جارہا ہے ۔

اب صارفین کو پاس ورڈ یاد رکھنے یا پاس ورڈ منیجر استعمال کرنے کی بجائے مائیکرو سافٹ اتھنٹیکیٹر ایپ ونڈوز ہیلو کو استعامل کرنا ہوگا ۔

اس ایپ سے صارفین کو ایک سیکیورٹی کی  یا ایس ایم ایس یا ای میل کوڈز فراہم کیے جائیں گے ۔ اس طرح صارفین  مختلف سروسز جیسے ون ڈرائیوم، آؤٹ لک ، مائیکرو سافٹ فیملی سیفٹی اور ایک باکس سیریز ایک ایس میں اس ورڈ کے بغیر سائن ان ہوسکیں گے ۔

مائیکرو سافٹ کی جانب سے یہ سہولت آئندہ چند ہفتوں میں صارفین کو فراہم کردی جائیگی ۔