بین الاقوامی ٹیموں کو دھمکیاں بھارت سے بھیجی گئیں ،  فواد چوہدری  کےسنسنی خیز انکشافات

تفصیلات کے مطابق وفاقی وزیر اطلاعات فواد چوہدری نے کہا ہے کہ  بین الاقوامی ٹیموں کو دھمکیاں انڈیا سے بھیجی گئیں۔ ایک ای میل آئی ڈی حمزہ آفریدی کے نام سے بنائی گئی۔اس آئی ڈی سے پندرہ منٹ بعد ای میل کی گئی۔جس ڈیوائس سے کیوی ٹیم کو یہ ای میل کی گئی وہ ممبئی کے شہری اوم پرکاش مشرا کے زیراستعمال تھی۔

مزید پڑھیں :دورہ پاکستان : ویسٹ انڈیز کی ٹیم کو بھی "جعلی تھریٹ" موصول، اہم انکشافات سامنے آگئے

فواد چودھری نے بتایا کہ ای میل وی پی این لگا کر بھارت سےبھیجی گئی تھی۔وی پی این کی لوکیشن سنگاپور کی لگائی گئی تاکہ بھارت کی لوکیشن معلوم نہ ہوسکے۔ ہم نے معاملے پر انٹرپول سے معاونت مانگی ہے۔

وزیر اطلاعات فواد چودھری نے  اس حوالے سے کہا کہ  آئی سی سی کو اس واقعے کا نوٹس لینا چاہیے،نیوزی لینڈ کو ہم سے تھریٹ شیئر کرنا چاہیے،پور ی دنیا نے پاکستا ن کے ساتھ اظہار یکجہتی کیا۔ 

وزیر داخلہ شیخ رشیدنے کہا کہ نیوزی لینڈ کرکٹ ٹیم کےجانے سے پاکستان کوتنہا کرنے کاتاثر غلط ہے،ہمیں تنہا نہیں کیاجاسکتا، ہم پرعزم ہیں ،پہلے ہی کہہ دیاتھا کہ انگلینڈ کرکٹ ٹیم بھی نہیں آئے گی۔بھارت کے پڑوس میں کیمپ ختم ہوگئے انہوں نے واویلا مچا رکھا ہے،ہمیں اب آگے چلنا ہوگا اور بھی کام کرنے ہیں۔