بٹ کوائن کی قیمت 50 ہزارڈالر سےزیادہ ہوگئی

غیر ملکی خبررساں ادارے  ڈیجیٹل کرنسی بٹ کوائن کی قیمت 50 ہزارڈالر سےزیادہ ہوگئی،  بٹ کوائن  4ہفتوں میں پہلی بار  50ہزارڈالرکی سطح سےاوپر چلاگیا ہے،  بٹ کوائن 2.35 فیصدبڑھ کر 50ہزار398ڈالر تک پہنچ گیا ہے۔

آخری بار  گزشتہ ماہ  ستمبر کے آغاز میں  بٹ کوائن نے $  50،000 کی حد تک پہنچا تھا، جب ایل سلواڈور میں کرپٹو کرنسی قانونی ٹینڈر بن گئی تھی بٹ کوائن نے تیسری سہ ماہی کا بیشتر حصہ $ 30،000 کی کم رینج میں گزارا کیونکہ سرمایہ کار چین اور امریکہ میں ریگولیٹری پالیسیوں کے بارے میں پریشان تھے ۔

خیال رہے کہ  بٹ کوائن  اپریل کے مہینے  میں $ 64،000 سے زیادہ کی بلند ترین سطح پر پہنچ گیا تھااور  جون اور جولائی میں بہت زیادہ فروخت ہوا ۔لیکن اس  کے بعد ایک بٹ کوائن $ 30،000 کی سطح سے  بھی نیچے گر گیا۔ جس کی ایک بڑی وجہ چینی حکام کی جانب سے ریگولیٹری جانچ پڑتال کی تجدید تھی جس نے بٹ کوائن مائننگ آپریشنز کو بند کرنے یا  کہیں اور منتقل ہونے پر مجبور کیا۔لیکن جولائی کے وسط سے ، بٹ کوائن کی قیمت  میں مسلسل اضافہ ہو رہا ہے۔