ٹی ٹوئنٹی ورلڈ کپ : قومی اسکواڈ دبئی کیلئے روانہ

تفصیلات کے مطابق پی آئی اے کی خصوصی چارٹر پرواز PK 203 کے ذریعے ٹیم کے ارکان روانہ ہوئے۔ لاہور ائر پورٹ پر پی آئی اے کی جانب سے خصوصی انتظامات کئے گئے تھے۔  پی آئی اے کے ڈسٹرکٹ مینیجر ڈاکٹر عبدالمقدم خان اور سٹیشن مینیجر علی عباس شاہ نے ٹیم کو الوداع کیا۔

قومی اسکواڈ دبئی میں ایک روز کی آئسولیشن مکمل کرے گا، اسکواڈ میں ٹیم کے 15 کھلاڑی، 3 ٹریول ریزرو اور سپورٹ اسٹاف کے ارکان شامل ہیں۔ قومی ٹی ٹوئنٹی اسکواڈ کے بیٹنگ کنسلٹنٹ میتھیو ہیڈن دبئی میں پاکستان ٹیم کو جوائن کریں گے، بولنگ کنسلٹنٹ ویرنن فلینڈر نے لاہور میں ٹیم کو جوائن کیا تھا۔

Our team is off to the ?? for the @T20WorldCup!
What is your message for them?#WeHaveWeWill #T20WorldCup pic.twitter.com/QpCe9Druqo

— Pakistan Cricket (@TheRealPCB) October 15, 2021

روانگی سے قبل  قومی کرکٹ ٹیم کے کپتان بابر اعظم نے ورلڈکپ کیلئے  روانہ ہوتے ہوئے قوم کیلئے جاری پیغام میں کہا کہ پاکستان ٹیم پر یقین رکھیں ا ور دعا کریں ،  شائقین کی سپورٹ سب سے بڑھ کر ہے۔

Off to UAE. Your support means more than anything. Stand by your team. Keep supporting. Keep praying. Keep believing. #PakistanZindabad ?? pic.twitter.com/Venlgoz2EV

— Babar Azam (@babarazam258) October 15, 2021

واضح رہے کہ ٹی ٹوئنٹی ورلڈکپ کا آغاز 17 اکتوبر سے عمان میں  ہوگا اور بابر اعظم کی قیادت میں پاکستان ٹیم 24 اکتوبر کو بھارت کے خلاف اپنا پہلا میچ کھیلے گی۔