سابق لیگی رکن پنجاب اسمبلی قضائے الہی سے انتقال کرگئے

خانیوال : سابق لیگی رکن پنجاب اسمبلی نشاط ڈاہا قضائے الہی سے انتقال کرگئے ہیں ۔ سابق ایم پی اے خانیوال حاجی نشاط احمد خان ڈاہا کی نماز جنازہ کل دن 11 بجے لاھور موڑ خانیوال ریسکیو 1122 کے دفتر کے ساتھ والے گراونڈ میں ادا کی جائے گی۔

نشاط احمد خان ڈاہا 2008ء میں پیپلز پارٹی اور 2013ء میں ن لیگ اور 2018ء میں بھی ن لیگ کے ٹکٹ پر کامیاب ہوئے۔ دوسری طرف وزیراعلیٰ پنجاب سردارعثمان بزدار نے رکن پنجاب اسمبلی نشاط احمد ڈاہا کے انتقال پر دکھ اورافسوس کااظہار کیا ہے۔

وزیراعلیٰ عثمان بزدار نے سوگوار خاندان سے دلی ہمدردی واظہار تعزیت کرتے ہوئے کہا کہ نشاط احمد ڈاہا مرحوم کے انتقال پر دلی رنج ہوا- مرحوم سے دیرینہ تعلقات تھے- اللہ تعالیٰ مرحوم کی روح کوجوار رحمت میں جگہ دے اور سوگواران کو صبر جمیل عطا فرمائے۔