پاکستانی ٹیم کبھی بھی کہیں بھی سرپرائز دے سکتی ہے

ابوظہبی: پاکستان کے سابق فاسٹ باؤلر شعیب اختر نے ٹی ٹونئٹی ورلڈ کپ میں آج ہونے والے پاک بھارت مقابلے  کے لیے قومی ٹیم کی سپورٹ میں اہم ویڈیو پیغام جاری کیا ہے ۔ 

ٹوئٹر پر جاری ویڈیو میں شعیب اختر کا کہنا تھا کہ پاکستان کو آپ کبھی کم نہیں سمجھ سکتے کیوں کہ ویرات کوہلی نے بھی اپنے انٹرویو میں کہا تھا کہ پاکستان کے لیے آپ کو ایک منصوبہ بندی کے ساتھ کھیلنا ہو گا اور  ان کو ہرانے کے لیے آپ کو بیسٹ گیم کھیلنی پڑے گی کیونکہ پاکستان کا کوئی پتہ نہیں چلتا کہ وہ کس وقت اپ سیٹ کر دے۔

شعیب اختر نے اپنی ویڈیو میں ٹیم میں شرجیل خان کو شامل نہ کرنے سے متعلق بھی بات کی اور کہا کہ شرجیل ٹیم میں آجاتے تو اور بھی بہترین ہوتا تاہم ٹیم میں چار تبدیلیاں ہوئیں جس کے بعد پاکستانی ٹیم مقابلے کے لیے ایک بہترین ٹیم بن گئی ہے۔

راولپنڈی ایکسپریس نے اپنے پیغام  میں پاکستانیوں کو بھی پیغام دیا کہ آپ نے گھبرانا نہیں ہے، آپ نے ان شاءاللّٰہ پاکستانی ٹیم کا ساتھ نہیں چھوڑنا۔ ویڈیو میں شعیب اختر نے پاکستانی ٹیم کوبھی پیغام دیا اور کہا کہ  پاکستان جیتے یا ہارے ہم پاکستانی ٹیم کے ساتھ ہیں۔

Pakistan Team should never be underestimated, Green caps can surprise any side. pic.twitter.com/SIdSLrcWdE

— Shoaib Akhtar (@shoaib100mph) October 23, 2021