وزیراعلیٰ عثمان بزدار نے گھر گھر ویکسی نیشن مہم کاافتتاح  کردیا

تفصیلات کے مطابق  وزیراعلیٰ پنجاب سردار عثمان بزدار نے خانیوال پیپلز کالونی میں ویکسی نیشن سنٹر کا دورہ کیا، وزیراعلیٰ عثمان بزدار نے گھر گھر ویکسی نیشن مہم کاافتتاح بھی کیا۔

وزیر اعلی پنجاب عثمان بزدار نے کہا کہ  پنجاب میں شہریوں کو 12 نومبر تک ان کی دہلیز پر کورونا ویکسین لگائی جائے گی۔ خصوصی ٹیمیں روزانہ کی بنیاد پر گھر گھر جا کر شہریوں کو مفت ویکسین لگائیں گی۔  RED کورونا مہم کے 100فیصد اہداف پورے کئے جائیں ۔

عثمان بزدار کا کہنا تھا کہ  کورونا کے باعث پہلے ہی جانی و مالی نقصان اٹھا چکے، مزید نقصان کے متحمل نہیں ہوسکتے،  شہریوں سے اپیل ہے کہ کورونا ویکسین ٹیموں سے مکمل تعاون کریں۔  10 لاکھ شہریوں کو ویکسین لگانے کا ہدف مقرر کیا گیا ہے۔ پنجاب کو کورونا کے باعث بڑے پیمانے پر جانی و مالی نقصان کا سامنا کرنا پڑا ہے۔

وزیر اعلی پنجاب عثمان بزدار نے کہا کہ  پنجاب میں اب تک تقریباً 13 ہزار سے زائد افراد کورونا سے جاں بحق ہو چکے ہیں۔پنجاب کی معیشت کو تقریباً 650ارب روپے کا نقصان اٹھانا پڑا ہے۔ جانی و مالی نقصان سے بچنے کیلئے ویکسینیشن اور احتیاط ضروری ہے۔  REDویکسی نیشن مہم کو کامیاب بنانے کیلئے صوبہ بھرمیں 14ہزارنئے ویکسی نیشن سنٹرزقائم کئے ہیں۔  شہریوں کو ان کی دہلیز پر ویکسیشنیشن کیلئے 18ہزار ٹیمیں تشکیل دی گئی ہیں۔ ضلعی انتظامیہ اور ڈسٹرکٹ ہیلتھ اتھارٹیز اس مہم کو کامیاب بنانے کیلئے مشترکہ کاوشیں کریں گی۔