کرس گیل کے "شلوار چیلنج "کی ویڈیو سوشل میڈیا پر وائرل

تفصیلات کے مطابق پاکستان سپر لیگ (پی ایس ایل( 6 میں جہاں سنسنی خیز میچز کا سلسلہ جاری ہے وہیں کھلاڑیوں کی جانب سے ایک دوسرے کو چیلنج بھی دئیے جارہے ہیں۔پاکستان سپر لیگ کے سوشل میڈیا اکاؤنٹ کے ذریعے کرس گیل کے شلوار چیلنج کی ویڈیو شیئر کی گئی ہے۔

ویڈیو کے آغاز میں کرس گیل اپنا تعارف کرواتے ہوئے کہتے ہیں: ’میں کرس گیل ہوں اور مجھے شلوار چیلنج پورا کرنا ہے۔‘ساتھ میں انہیں یہ بھی کہتے سنا جا سکتا ہے کہ ’یہ کس کی شلوار ہے، جس کی بھی ہے یقیناً وہ شخص بہت کھاتا ہوگا۔‘وہ اپنے سامنے رکھی شلوار کو اٹھاتے ہیں اور پہلے تو ہنستے ہوئے کہتے ہیں کہ ’کیا،،، یہ کس کی ویسٹ ہے؟‘

ویڈیو میں دیکھا جاسکتا ہے کہ کرس گیل نے دو منٹ میں شلوار میں زار بند ڈالا اور چیلنج پورا کیا، کرس گیل کے نئے چیلنج کو سوشل میڈیا پر مداحوں کی جانب سے خوب پسند کیا جارہا ہے۔

واضح رہے کہ پاکستان سپر لیگ (پی ایس ایل) کا چھٹا ایڈیشن بھرپور کامیابی کے ساتھ جاری ہے ، ایونٹ میں ویسٹ انڈیز کے جارح مزاج بلے باز کرشس گیل کوئٹہ گلیڈی ایٹرز کا حصہ بنے مگر انہیں قومی ذمہ داروں کے باعث صرف دو میچ کھیل کر واپس جانا پڑا ، واپسی کے وقت کرس گیل نے کہا کہ ان کی خواہش تھی کہ پورا پی ایس ایل کھیلتے اور ہر میچ میں چھائے رہتے۔