خواتین کو قتل اور لڑکیوں کی لاشوں سے زیادتی کرنے والا ہستپال ملازم گرفتار

غیر ملکی خبر رساں ادارے کے مطابق برطانوی ہسپتال کے ایک ملازم  ڈیوڈ فلر نے عدالت میں 1980 کی دہائی میں دو خواتین کے  قتل کے ساتھ ساتھ درجنوں لاشوں کے ساتھ جنسی زیادتی کا اعتراف کیا ہے۔

67 سالہ ڈیوڈ فلر کل میڈ اسٹون کراؤن کورٹ میں پیش ہوئے اور انہوں نے 1987 میں دو خواتین وینڈی کنیل اور کیرولین پیئرس کو قتل کرنے کا اعتراف کیا۔

کنیل کو جون 1987 میں جنسی زیادتی، مار پیٹ اور گلا گھونٹ کر قتل کیا گیا۔  جب کہ  پیئرس کی لاش اسی سال کے آخر میں ملی تھی، ان کی لاش  لاپتہ ہونے کے تین ہفتے بعد ایک کھائی میں پھینکی گئی تھی۔

نئے شواہد کے بعد،  پیئرس کے جسم پر پائے جانے والے مسٹر فلر کے سیمن کو ملانے کے لیے جدید ٹیکنالوجی کا استعمال اور ساتھ ہی مسٹر فلر کے جوتوں کے پرنٹ کو مس کنیل کے کرائم سین سے ملنے والے نشانات سے میچ کیا، ڈیٹیکٹیو نے مسٹر فلر کو  گھر سے گرفتار کر لیا  جہاں وہ اپنی تیسری بیوی اور  بیٹے کے ساتھ رہتا تھا۔

این ایچ ایس نے ڈیوڈ فلر کے گھر پر چھاپہ مار کر اس کے کمپیوٹر سے 1300 ویڈیو اور 34000 غیر اخلاقی تصاویر برآمد کیں جس میں سے کچھ ویڈیوز اور تصاویر اسپتالوں کے مردہ خانے میں کی جانے والی بدفعلی کی بھی تھیں۔