لاہور: ضلعی انتظامیہ کا چینی مافیا کے خلاف سخت کریک ڈاؤن

تفصیلات کے مطابق    ضلعی انتظامیہ لاہور چینی مافیا کے خلاف متحرک ہوگئی  ہے، اسسٹنٹ کمشنر کینٹ ذیشان نصر اللہ رانجھا اور ایس پی کینٹ نے  گارڈن ٹاؤن اورنگزیب بلاک میں ایک رہائش گاہ پر اچانک چھاپہ مارا، رہائش گاہ میں چینی کے ذخیرہ اندوز ہونے کی اطلاع ملی تھی۔

چھاپے کے دوران  100 کلو چینی کے 1000 بیگز برآمد کر لئے گئے ہیں ، دونوں ملزمان شہزاد اللہ رکھا اور جنید گوگا بٹ کو موقع پر گرفتار کروا لیا گیا۔ گرفتار افراد کو پولیس اسٹیشن گارڈن ٹاؤن بھجوا دیا گیا۔

ڈی سی لاہور عمر شیر چٹھہ کی ہدایت پر چینی مافیا کے خلاف زبردست کریک ڈاؤن عمل میں لایا جا رہا ہے۔