کوئی خطرے کی بات نہیں ، وزیراعظم 5 سال پورے کرینگے : وزیرداخلہ 

تفصیلات کے مطابق وفاقی وزیرِ داخلہ شیخ رشید احمد نے میڈیا سے گفتگو کرتے ہوئے  کہا کہ  کوئی گیم شروع نہیں ہورہی،گیم صرف عمران خان کی ہے ۔

ان کا کہنا تھا کہ سپریم کورٹ آف پاکستان قابلِ احترام اور پاکستان کا سب سے بڑا ادارہ ہے،سپریم کورٹ کے فیصلے وزیراعظم پر بھی لاگو ہیں، اگر ووزیراعظم پیش ہوتے ہیں تو وزیراعظم سپریم کورٹ کو سنیں گے۔ 

وفاقی وزیرِ داخلہ نے کہا کہ آئین و قانون کے تحت مسائل حل ہونگے، سپریم کورٹ کے  فیصلے پر اٹارنی جنرل بہتر بیان دے سکتے ہیں۔ یہ حکومت 5 سال پورے کرے گی، اے پی ایس کے شہداء کے لواحقین کی درخواست آئے گی تو کارروائی کریں گے۔

یاد رہے کہ سپریم کورٹ میں چیف جسٹس گلزار احمد کی سربراہی میں 3 رکنی بنچ سانحہ آرمی پبلک اسکول (اے پی ایس) کیس کی سماعت کر رہا ہے۔  سپریم کورٹ آف پاکستان نے سانحۂ آرمی پبلک اسکول (اے پی ایس) کیس کی سماعت کرتے ہوئے وزیرِ اعظم عمران خان کو  آج طلب کر رکھا ہے ۔