ویرات کوہلی کی بیٹی کو زیادتی کی دھمکی دینے والا شخص گرفتار

نئی دہلی: ویرات کوہلی کی بیٹی کو زیادتی کی دھمکی دینے والا شخص گرفتار گرفتار شخص نے پاکستان کے ہاتھوں بھارتی کرکٹ ٹیم کو عبرتناک شکست کے بعد دھمکی دی تھی-

تفصیلات کے مطابق ممبئی پولیس نے بھارتی کرکٹ ٹیم کے کپتان ویرات کوہلی کی بیٹی کو جنسی زیادتی کا نشانہ بنانے کی دھمکی دینے والے شخص کو گرفتار کرلیا ہے۔

ٹائمز آف انڈیا کے مطابق پولیس نے حیدر آباد سے تعلق رکھنے والے رام نیگیش نامی شخص کو گرفتار کرلیا ہے جس نے گزشتہ ماہ سوشل میڈیا پر کپتان ویرات کوہلی اور اداکارہ انوشکا شرما کی 9 ماہ کی بیٹی کو ریپ کرنے کی دھمکی دی تھی۔

 گرفتار شخص کو پولیس ممبی منتقل کر رہی ہے۔ ریپ کی دھمکی پر نئی دہلی کی خاتون کمشنر نے پولیس کو دھمکی دینے والے شخص کے خلاف فوری کارروائی کا حکم دیا تھا۔

خیال رہے کہ ویرات کوہلی کی بیٹی کو ریپ کی دھمکی ٹی ٹوئنٹی ورلڈ کپ میں پاکستان کے ہاتھوں بھارتی ٹیم کو عبرتناک شکسے کے بعد دی گئی تھی۔ پاکستان نے بھارتی ٹیم کو دھول چٹا دی تھی جس کے بعد ویرات کوہلی کو سوشل میڈیا پر شدید تنقید کا نشانہ بنایا گیا۔