پاکستان کیخلاف سیمی فائنل سے قبل آسٹریلوی کپتان کا اہم بیان

دبئی : آسٹریلیا کی ٹی ٹوئنٹی ٹیم کے کپتان ایرون فنچ کا کہنا ہے کہ ہم بہت ہی واضح منصوبہ بندی کے ساتھ ٹورنامنٹ جیتنے کے لیے آئے ہیں۔

آئی سی سی مینز ٹی ٹوئنٹی ورلڈکپ کے سیمی فائنل میں آج پاکستان اور آسٹریلیا کی ٹیمیں پاکستانی وقت کے مطابق شام 7 بجے آمنے سامنے ہوں گی۔

پاکستان ٹی ٹوئنٹی ورلڈکپ میں اب تک ناقابل شکست ہے جبکہ آسٹریلیا کو ایک میچ میں شکست کا سامنا کرنا پڑا ہے تاہم آج ہونے والے دوسرے سیمی فائنل کے لیے دونوں ٹیموں نے بھرپور تیاری کر رکھی ہے۔

اس حوالے سے آسٹریلوی قائد ایرون فنچ کا کہنا ہے کہ جس انداز سے ہم یہاں تک پہنچے ہیں اور جو ہماری ٹیم ہے اس پر ہمیں پہلے روز سے ہی پراعتماد تھا۔

ایرون فنچ کا مزید کہنا تھا میں نہیں سمجھتا کہ ہم اپنی توقعات سے زیادہ آگے بڑھ گئے ہیں، ہم بہت ہی واضح پلان کے ساتھ ٹورنامنٹ جیتنے کے لیے یہاں آئے ہیں اور ہم یہ کر دکھانے کے لیے اب بھی موجود ہیں۔

Semi-Final ready.?

We playoff against Pakistan for a spot in the #T20WorldCup Final tonight from 1am AEDT.

Watch live on @FoxCricket or @kayosports. pic.twitter.com/CVQK8WE5rK

— Australian Cricketers' Association (@ACA_Players) November 10, 2021