بھارت اور سری لنکا میں  بارشوں نے تباہی مچا دی 

خبر ایجنسی کے مطابق بھارت اور سری لنکا میں  موسلادھار بارش کا سلسلہ جاری ہے اور   مختلف حادثات میں مجموعی طور پر اب تک41 افراد ہلاک ہوچکے ہیں ۔ بھارتی ریاست تامل ناڈو میں نشیبی علاقے زیرِ آب آگئے ۔

خراب موسم کے باعث تامل ناڈو میں اسکول اور کالج بند کردئیے گئے ہیں جبکہ ،ٹرین سروس بھی معطل ہے ۔ 

بھارتی  محکمہ موسمیات نے زیادہ متاثرہ علاقوں میں  درمیانی بارش کی پیش گوئی کی ہے ۔ 

ایک ہفتے سے جاری موسلا دھار بارشوں کے باعث سری لنکا کے 25 اضلاع میں سے   نصف علاقے زیر آب آ چکے ہیں، جزیرے کے چائے اُگانے والے وسطی ہائی لینڈز اور اس کے آس پاس کے علاقے سب سے زیادہ متاثر ہوئے ہیں۔ 

موسلا دھار بارشوں سے اب تک 25 افراد ہلاک ہو ئے  ہیں، جن میں سے زیادہ تر ڈوب کر ہلاک ہو ئے ہیں جبکہ  لینڈ سلائیڈنگ سے پانچ افراد زخمی ہو گئے ہیں۔  سری لنکن حکام کے مطابق  آج  سے بارش میں کمی کا امکان ہے  ۔