پاکستان فائنل کی دوڑ سے باہر

تفصیلات کے مطابق آسٹریلیا نے 177 رنز کا ہدف 19 اوورز میں 5 وکٹوں کے نقصان پر پورا کرکے ایونٹ میں ناقابل شکست  رہنے والی پاکستان ٹیم کو  شکست دی۔

 آسٹریلیا کے کپتان ایرون فنچ نے ٹاس جیت کر پاکستان کو پہلے بیٹنگ کی دعوت دی تھی ۔

پاکستان نے آسٹریلیا کے خلاف بھی اپنی ٹیم میں کوئی تبدیلی نہیں کی،پاکستان نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 176 رنز بنائے۔

پاکستانی اوپنرز نے آسٹریلیا کے خلاف بھی ٹیم کو شاندار  آغاز فراہم کیا اور دونوں کے درمیان 71 رنز کی شراکت داری قائم ہوئی۔

پاکستان کی پہلی وکٹ 10 ویں اوور میں گری جب کپتان بابر اعظم 34 گیندوں پر 39 رنز بناکر زمپاکی گیند پر کیچ آؤٹ ہوگئے۔

پاکستان کی جانب سے محمد رضوان 67 اور فخر زمان 55رنز بناکر نمایاں رہے۔

پاکستانی جارح مزاج بلے باز محمد آصف پہلی گیند پر بغیر کوئی رن بنا کر آؤٹ ہوئے تو شعیب ملک صرف ایک رن بناکر پویلین لوٹ گئے۔

آسٹریلیا کی جانب سے مچل اسٹارک نے 2 اور پیٹ کمنز اور زمپا نے ایک، ایک وکٹ حاصل کی۔

آسٹریلیا نے ہدف کا تعاقب کرتے ہوئے 5 وکٹوں کے نقصان پر19 اوورز میں ہدف پوراکرلیا۔

آسٹریلوی کپتان ایرون فنچ  صفر رنز پر آؤٹ ہوگئے جبکہ ڈیوڈ وارنر نے 49 رنز بنائے اور مچل مارش 22 گیندوں پر 28 رنز بناکر شاداب کی گیند پر کیچ آؤٹ ہوگئے۔

آسٹریلیا کی تیسری وکٹ 77 رنز پر گری،اسٹیون اسمتھ5 رنز بناکر شاداب کا شکار بنے۔ گلین میکسویل 7 رنز بناکر آؤٹ ہوئے،میتھو ویڈنے 17 گیندوں پر برق رفتار 41 رنز بنائے جبکہ مارکس اسٹوئنس نے 40 رنزبنائے۔

پاکستانی کی جانب سے شاداب خان نے بہترین بولنگ کو مظاہرہ کرتے ہوئے 4اوورز میں 26 رنز کے عوض 4 وکٹیں حاصل کیں جبکہ شاہین شاہ آفریدی نے ایک وکٹ حاصل کی ہے۔