نواز شریف کی لاہور میں کون کون سی جائیداد نیلام ہو گی ،تفصیلات سامنے آ گئیں

تفصیلات کے مطابق  مسلم لیگ ن کے قائد میاں نواز شریف کی لاہور میں کون کون سی جائیداد نیلام ہو گی ،تفصیلات سامنے آ گئیں ہیں ۔  نواز شریف کی لاہور کے موضع مانک میں 940 کنال 2 مرلہ سے زائد اراضی نیلام کی جائے گی،  موضع بدوکی ثانی میں 299 کنال سے زائد اراضی نیلام کی جائے گی۔

نواز شریف کی موضع مال لاہور میں 103 اور موضع سلطانکے میں 312 کنال اراضی نیلام کی جائے گی،  نواز شریف کی ملکیت لاہور کے اپر مال میں موجود ایک گھر بھی نیلام کیا جائے گا، نواز شریف کی چھ جائیدادوں کو نیلام کرکے 8 ملین پاونڈ کا جرمانہ ریکور کیا جائے گا۔

گزشتہ ہفتے  سابق وزیراعظم نوازشریف کی لاہور جائیداد کی نیلامی کے معاملے پر اسسٹنٹ کشمنر لاہور  نے نیلامی کی تاریخ کا اعلان کیا تھا۔ اسسٹنٹ کمشنر (اے سی) لاہور کا کہنا تھا کہ نوازشریف کی جائیداد 135 اپر مال کی نیلامی 19نومبر کو ہو گی، نیلامی احتساب عدالت نمبر 3 کے حکم کے مطابق ہوگی۔