ذخیرہ اندوزوں کے لیے کوئی رعایت نہیں ہے، مشیر خزانہ

تفصیلات کے مطابق  مشیر خزانہ شوکت ترین کی زیر صدارت نیشنل پرائس مانیٹرنگ کمیٹی کا اجلاس ہوا ،  وفاقی وزراء، مشیروں، معاونین خصوصی اور وزارتوں کے سیکرٹریز  نے شرکت کی۔ اجلاس میں گندم، چینی، دالوں اور چکن سمیت دیگر اشیائے خوردنی کی قیمتوں کا جائزہ لیا گیا۔ 

سیکرٹری خزانہ نے بریفنگ میں کہا کہ  ہفتہ وار بنیادوں پر مہنگائی میں 1.81 فیصد کا اضافہ ہوا، چھ اشیاء کی قیمتوں میں کمی اور 15 اشیاء کی قیمتوں میں استحکام رہا، مختلف اشیائے ضروریہ کی قیمتوں میں کمی کا رجحان دیکھا گیا،  دال مونگ اور پیاز کی قیمتیں نمایاں کم ہوئیں۔

کمیٹی کی درآمدات کم کرنے کیلئے  کاشتکاروں کو دال ماش کی کاشت کی ترغیب کی ہدایت، سیکرٹری خزانہ نے کہا کہ  پنجاب، کے پی اور وفاقی دارالحکومت میں 20 کلو آٹے کا تھیلا 1100 روپے پر مل رہا ہے۔

مشیر خزانہ  نے پنجاب، کے پی اور وفاقی دارالحکومت میں 20 کلو آٹے کا تھیلا 1100 روپے پر فراہمی کی تعریف اور  سندھ اور بلوچستان میں آٹے کی قیمتوں میں کمی لانے کی ہدایت کی۔ سیکرٹری فوڈ سکیورٹی  نے ملک میں وافر گندم کی دستیابی سے متعلق رپورٹ دی۔

سیکرٹری خزانہ نے کہا کہ  پنجاب، کے پی اور اسلام آباد میں چینی کی قیمت میں مسلسل کمی کا جحان ہے،  مشیر خزانہ  نے ہدایت دی کہ سندھ اور بلوچستان چینی کی قیمتوں پر کنٹرول کیلئے اقدامات کریں۔

بریفنگ میں بتایا گیا کہ سندھ اور پنجاب میں کرشنگ سیزن شروع ہونے سے چینی کی پیداوار شروع ہوگئی ہے، چینی کے نئے ذخائر آنے سے قیمتوں میں کمی ہوسکے گی۔

کمیٹی کی گھی اور خوردنی تیل کی بڑھتی قیمتوں پر تشویش، حکام کو کنٹرول کی ہدایت کی، مشیر خزانہ  نے فرٹیلائزر کی آسان دستیابی کیلئے اقدامات کی ہدایت کی۔سیکرٹری خزانہ کا کہنا ہے کہ  حکومت کے اقدامات سے اشیائے ضروریہ کی فراہمی اور دستیابی بہتر ہوئی ہے۔