اداکار نوید رضا نے اہم انکشاف کردیا

تفصیلات کے مطابق نوید رضا نے نجی ٹی وی چینل کے ایک پروگرام میں گفتگو کرتے ہوئے اداکارہ علیزے شاہ کے متعلق کیئے گئے سوال کا جواب دیتے ہوئے کہا کہ ایک دفعہ اداکارہ علیزے شاہ نے سیٹ پر اداکار و پروڈیوسر یاسر نواز سے بہت بدتمیزی کی تھی۔

نوید رضا کا کہنا تھا کہ میں نے علیزے شاہ کے ساتھ ایک ڈرامے میں کام کیا ہے جس میں یاسر نواز بھی ہمارے ساتھی اداکار تھے۔

اداکار کا کہنا تھا کہ اس ڈرامے کے سیٹ پر علیزے شاہ اکثر یاسر نواز کے ساتھ بدتمیزی کرتی تھیں۔

ان کا کہنا تھا کہ یاسر نواز ایک کامیاب اور معروف اداکار ہیں تو اُن کے کام میں غلطیاں نکالنا غلط بات ہے۔

اداکار کا کہنا تھا کہ علیزے شاہ اکثر یاسر نواز کی لکھی گئی اسکرپٹ سے لائنس نکال دیتی تھیں اور کہتی تھیں کہ مجھے یہ سین یاسر نواز کے ساتھ نہیں کرنا ہے۔

نوید رضا کا کہنا تھا کہ یاسر نواز اپنے بالوں میں ہیئر ڈرائر کررہے ہوتے تو اُس سے بھی علیزے شاہ کو مسئلہ ہوتا تھا۔

ان کا مزید کہنا تھا کہ اس طرح اپنے سینئر اداکار سے بات کرنا بدتمیزی کہلاتا ہے جوکہ بالکل غلط ہے۔