لیگی رہنما  خرم دستگیر کے گھر پر فائرنگ کرنے والا ملزم گرفتار

پولیس ذرائع کے مطابق پولیس نے ن لیگ کے سینیر رہنما خرم دستگیر کے گھر پر فائرنگ کرنے والے  ملزم کو گرفتار کر لیا ہے،ملزم کو پشاور سے گرفتار کیا گیا ہے،  ملزم پشاور پولیس کی تحویل میں ہے، شناخت یاسر کے نام سے ہوئی ہے ۔

ذرائع کا کہنا ہے کہ  ملزم کی گرفتاری کے بعد آئی جی پنجاب نے بھی پشاور پولیس سے رابطہ کیا ہے، ملزم کی گوجرانوالہ منتقلی کیلیے وزرات داخلہ کے ذریعے قانونی اقدامات کیے جا رہے ہیں ۔

خیال رہے کہ  خرم دستگیر کے گھر پر فائرنگ کا واقعہ گیارہ اکتوبر کی رات بارہ بجے پیش آیا تھا، واقعہ کا مقدمہ نامعلوم ملزمان کے خلاف درج کیا گیا تھا۔

پولیس  کا کہنا ہے کہ   ملزم سے تحقیقات مکمل ہونے کے بعد تفصیلات سامنے لائیں گے ۔