مرزا پور سیریز کے مشہوراداکار برما مشرا انتقال کرگئے

ذرائع کے مطابق ان کا انتقال ان کے گھر میں ہوا،پولیس کو مشرا کے پڑوسیوں نے اس کے اپارٹمنٹ سے بدبو آنے کی اطلاع دی جہاں اداکار پچھلے چار سالوں سے کرائے پر رہ رہے تھے۔ 

پولیس حکام کا کہنا ہے کہ اداکار  کا انتقال کافی دن پہلے ہواہے لیکن ان کی موت کے بارے میں کسی کو کچھ معلوم نہیں ہوا۔

پولیس کا کہنا ہے کہ مشرا کو باتھ روم میں دل کا دورہ پڑا اور اب اس کی لاش کو اسپتال منتقل کیا گیا اور اس کے بھائی سندیپ کو موت کی اطلاع دے دی گئی ہے اورلاش کو پوسٹ مارٹم کے لیے بھیج دیا گیا ہے۔

یاد رہے کہ اداکار بالی ووڈ فلموں سپر 30، کیسری اور دنگل میں بھی نظر آ چکے ہیں۔