محکمہ صحت کی کورونا ویکسینیشن نہ کرانےوالوں کےخلاف  کاروائی کی سفارش

تفصیلات کے مطابق  افریقی ویریئنٹ کورونا وائرس امیکرون کےپھیلاو کا خطرہ، محکمہ صحت نےنئی گائیڈ لائنز ،تجاویز صوبائی حکومت کو ارسال کردیں ہیں۔

محکمہ صحت نے  کورونا ویکسینیشن نہ کرانےوالوں کےخلاف  کاروائی کی سفارش کردی۔ محکمہ صحت کا کہنا ہے کہ صرف مکمل کورونا ویکسین کرانےوالوں کو ٹرانسپورٹ میں سفر،شاپنگ مال،ریسٹورینٹس میں آنادیاجائے۔کورونا ویکسین کی دوسری ڈوز نہ لگوانےوالوں کےخلاف بھی کاروائی جائے، محکمہ صحت سندھ نے ویکسینیشن نہ کرانےوالوں کے خلاف پابندیوں میں اضافے  کی سفارش کی ہے۔

کوروناویکسنیشن نہ کرانےوالےافراد کی نقل و حرکت محدود کرنےکی تجویزبھی زیر غور ہے۔ جس کے بعد صوبائی کورونا ٹاسک فورس کا اجلاس بلائےجانےکا امکان ہے۔

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کے دوران   ملک میں  مزید8 افراد  انتقال  کرگئے جبکہ 377نئے کیسز رپورٹ ہوئے ۔

ملک میں کورونا سے  اموات کی تعداد 28 ہزار 745 ہوگئی ہے اور مجموعی کیسز 12 لاکھ 85 ہزار 631 تک جاپہنچے ہیں۔  

این سی اوسی  کے مطابق ملک بھر میں اسپتالوں، قرنطینہ سینٹرز، وینٹی لیٹرز اور گھروں میں کورونا وائرس کے 14 ہزار 163 مریض زیرِ علاج ہیں ، چوبیس گھنٹے کے دوران  44 ہزار 137 فراد کے ٹیسٹ کئےگئے گئے ۔

 ملک میں گزشتہ 24 گھنٹوں کے دوران مزید 364 افراد کورونا وائرس سے صحتیاب ہوئے ہیں ۔ اب تک  95.9 فیصد مریض کوویڈ سے صحت یاب ہوئے  ، اب تک   مجموعی طور پر 12 لاکھ 42 ہزار718 مریض اب تک اس بیماری سے شفایاب ہو چکے ہیں۔