سروں کی ملکہ لتا منگیشکر کورونا وائرس کا شکار

بھارتی خبرایجنسی کے مطابق  لیجنڈ گلوکارہ لتامنگیشکر کوممبئی کے ہسپتال کی آئی سی یو  میں منتقل کردیاگیاہے۔  لیجنڈ گلوکارہ میں کورونا وائرس کی  معتدل علامات سامنے آئی تھیں ۔

Legendary singer Lata Mangeshkar admitted to ICU after testing positive for Covid-19. She has mild symptoms: Her niece Rachna confirms to ANI

(file photo) pic.twitter.com/8DR3P0qbIR

— ANI (@ANI) January 11, 2022

گلوکارہ نے گزشتہ سال ستمبر میں اپنی 92ویں سالگرہ منائی تھی ۔ لتا منگیشکر کو اس سے قبل نومبر 2019 میں سانس لینے میں دشواری کی شکایت کے بعد اسپتال میں داخل کرایا گیا تھا۔ 

لتا منگیشکر28 ستمبر 1929ء کو اندور بھارت میں پیدا ہوئیں،  لتا نے 1942 میں اپنے والد دینا ناتھ منگیشکر کے انتقال کے بعد باقاعدہ گلوکاری شروع کردی تھی ۔ دل تک اتر جانے والی ان کی آواز کی کھنک آج بھی  وہی ہے جو 1947 میں ان کی پہلی ہندی فلم آپ کی سیوا میں تھی ۔  دینا ناتھ کی بیٹیوں میں نہ صرف لتا نے سروں کی دنیا میں مقبولیت حاصل کی بلکہ ان کی بہن آشا بھوسلے نے بھی گلوکاری میں اہم مقام حاصل کیا۔

لتا منگیشکر پچاس ہزار سے زائد گانے گا چکی ہیں وہ 1974ء سے 1991ء تک گینز بک آف ورلڈ ریکارڈ میں ریکارڈ ہولڈر کے طور پر شامل رہیں۔ گینز بک کے مطابق وہ دنیا میں سب سے زیادہ گانے ریکارڈ کرانے والی گلوکارہ ہیں۔

 انہیں بھارت کے بڑے اعزازت  پدم بھوشن، پدم وبھوشن، دادا صاحب پھالکے ایوارڈ، اور متعدد نیشنل فلم ایوارڈز سمیت متعدد ایوارڈز سے نوازا جاچکا ہے ۔

واضح رہے کہ بھارت میں کورونا وائرس اور اومی کرون کے کیسز میں روزبروز اضافہ ہورہا ہے، بالی وڈ کے کئی فنکار ا س سے قبل بھی موجودہ لہر کا شکار ہوچکے ہیں  جن میں شاہد کپور، گلوکار سونو نگم، اریجیت سنگھ  شامل ہیں۔