افغانستان میں 5.6 شدت کا زلزلہ، 12 افراد جاں بحق

غیر ملکی خبر رساں ادارے کے مطابق  افغانستان کے صوبے بادغیس میں زلزلے سے 12 افراد جاں بحق ہوگئے ہیں جبکہ متعدد زخمی ہیں ۔

گورنر بادغیس کا کہنا ہے کہ زلزلے سے ہلاک ہونے والوں میں خواتین اور بچے بھی شامل ہیں، ہلاکتیں افغانستان کے صوبے بادغیس کے ضلع قادس میں گھروں کی چھتیں گرنے کی وجہ سے ہوئیں ہیں ۔

زلزلہ پیما مرکز کے مطابق افغانستان میں زلزلے کی شدت 5.6  جبکہ 10 کلومیٹر گہرائی تھی ۔زلزلے کا مرکز قلعہ نو سے 49 کلومیٹر تھا۔

زلزے کے بعد لوگوں میں خوف و ہراس پھیل گیا، لوگ کلمہ طیبہ کا ورد کرتے ہوئے گھروں سے باہر نکل آئے۔